Ամենաանվտանգ ավտոմեքենաները

Ինչպես ամեն տարի, այնպես էլ 2012 թվականին, ԱՄՆ ճանապարհային անվտանգության ապահովագրական ինստիտուտը (IIHS) հրապարակել է 2011թ. արտադրության ամենաանվտանգ ավտոմեքենաների ցանկը: Այս ցանկն ամեն տարի կազմվում է նախորդ տարվա արտադրության այն ավտոմեքենաներից, որոնք ստացել են «լավ» գնահատականը:

Նշենք, որ ճանապարհային անվտանգության ապահովագրական ինստիտուտն ունի գնահատման չորս աստիճան. «վատ», «ընդունելի», «միջակ» և «լավ», ընդ որում, ամենաբարձր գնահատականը` «լավը», տրվում է այն ավտոմեքենաներին, որոնք սահմանված բոլոր չափանիշներով անցել են ճանապարհային անվտանգության ապահովագրական ինստիտուտի թեստավորումը:

Թեստավորման հիմքում ընկած է ավտոմեքենայի ունակությունը պաշտպանելու իր ուղևորներին բարձր արագությամբ առջևից և կողքից հարվածի դեպքում, շրջվելիս, ինչպես նաև վթարի ժամանակ նստատեղերի ու գլխատեղի կողմից անվտանգության ապահովումը: 

Անցկացվող թեստավորման չափանիշները բազմաթիվ են: Ներկայացնենք դրանցից ամենակարևորները:

1.Անվտանգության ամրագոտիները: Որքան էլ թանկարժեք լինի ձեռքբերված ավտոմեքենան, հարկ է հիշել, որ վթարների ժամանակ ամենակարևոր պարագան անվտանգության ամրագոտիներն են: Ու ոչ միայն անհրաժեշտ է, որ ամրագոտին լինի լավը և ճիշտ կառուցված, այլ նաև խիստ կարևոր է այն ճիշտ կրելը. մեծահասակների դեպքում այն պետք է ուսի վրայով իջնի, շարունակվի գոտկատեղով և ամրանա նստատեղի կողքի ամրակին, իսկ փոքրիկներին պետք է ավտոմեքենայով տեղափոխել` միայն հատուկ կերպով ամուր ամրացվող նստատեղին նստած:

2.Կայունության էլեկտական կառավարումը (ESC): Այս տարրի առկայությունը, 2012 թվականից սկսած, պարտադիր է դառնալու ԱՄՆ ավտոշուկա մուտք գործող բոլոր ավտոմեքենաների համար: Սա ազդակների համակարգ է, որը գնահատում է, թե տվյալ արտակարգ իրավիճակում որքանով է ավտոմեքենան ենթարկվում վարորդի արգելակման գործողությանը կամ այլ հրահանգներին: ESC համակարգը նաև քայլեր է ձեռնարկում հանկարծակի սահելու կամ անիվի վնասվածքի պատճառով շեղվելու դեպքում ավտոմեքենան կայունացնելու ուղղությամբ, օրինակ` թուլացնում է շարժիչի աշխատանքի հզորությունը:

3.Անվտանգության բարձիկները: Բացի դիմային բարձիկներից, ավտոմեքենա ընտրելիս ուշադրոթյուն դարձրեք նաև կողային բարձիկների առկայության վրա: Ինչպես ցույց են տալիս թեստերն ու վիճակագրությունը, կողային բարձիկների առկայության դեպքում ուղևորները վթարներից 26-52%-ով քիչ են տուժում` կախցված ավտոմեքենայի մոդելից և բարձիկի տեսակից:

4.Գլխատեղի դինամիկ և ճիշտ կառուցվածքը: Համաձայն թեստերի արդյունքների` վթարների ժամանակ հարվածի հետևանք հանդիսացող ողնաշարի վնասվածքներ ուղևորներն ստանում են հիմնականում վատ կառուցված գլխատեղի պատճառով: Պարբերաբար կատարվող թեստավորումներին հետևելով` կարելի է տեղեկանալ, թե որքանով է անվտանգ նախընտրելի ավտոմեքենայի գլխատեղը:

5.Ավտոմեքենայի ամուր տանիքը: Սկսած 2011 թվականից` ԱՄՆ ճանապարհային անվտանգության ապահովագրական ինստիտուտը հաշվի է առնում նաև այս չափանիշը, քանի որ փորձարկումները ցույց են տվել, որ ամուր տանիք ունենալն անվտագության տեսանկյունից խիստ կարևոր է ավտոմեքենայի շրջվելու դեպքում: Ինստիտուտի կողմից անցկացվող` ավտոմեքենայի տանիքի ամրության թեստն այսպիսին է. տանիքի կողային անկյունը մամլիչով (пресс) սեղմում են 0.5 սմ/վ ճնշմամբ: Ինստիտուտի «լավ» գնահատկանին արժանանալու համար ավտոմեքենայի տանիքը պետք է դիմանա տվյալ ավտոմեքենայի քաշից 4 անգամ մեծ ծանրության` մինչև 15 սանտիմետրով ճզմվելը: Սա կոչվում է ավտոմեքենայի «ծանրությանը դիմացկունության» ցուցանիշ:

Ահա 2011թ. արտադրության ամենաանվտանգ ավտոմեքենաների ցանկը

·          Մինի ավտոմեքենաներ

o    Fiat 500 (2011թ. հուլիսից հետո թողարկված)
o    Ford Fiesta սեդան և հեչբեք
o    Honda Fit
o    Toyota Yaris hatchback (միայն 4 դռնանի մոդելը)

·          Փոքր ավտոմեքենաներ

o    Chevrolet Cruze
o    Chevrolet Sonic
o    Chevrolet Volt
o    Ford Focus (միայն 4-դռնանի սեդան և հեչբեք մոդելը)
o    Honda Civic 4-door
o    Honda CR-Z
o    Honda Insight
o    Hyundai Elantra
o    Kia Forte (միայն սեդան մոդելը)
o    Kia Soul
o    Lexus CT 200h
o    Mazda 3 (սեդան և հեչբեք)
o    Mini Cooper Countryman
o    Mitsubishi Lancer (բացի Ralliart և Evolution մոդելներից)
o    Nissan Cube
o    Nissan Juke
o    Nissan Leaf
o    Scion tC
o    Scion xB
o    Scion xD
o    Subaru Impreza
o    Toyota Corolla
o    Toyota Prius
o    Volkswagen Golf (միայն 4 դռնանի մոդելը)
o    Volkswagen GTI (միայն 4 դռնանի մոդելը)

·          Միջին չափսի մատչելի ավտոմեքենաներ

o    Audi A3
o    Buick Verano
o    Chevrolet Malibu
o    Chrysler 200 (միայն 4 դռնանի մոդելը)
o    Dodge Avenger
o    Ford Fusion
o    Honda Accord (միայն 4 դռնանի մոդելը)
o    Hyundai Sonata
o    Kia Optima
o    Subaru Legacy
o    Subaru Outback
o    Toyota Camry
o    Toyota Prius v
o    Volkswagen Jetta sedan
o    Volkswagen Jetta SportWagen
o    Volkswagen Passat
o    Volvo C30

·          Միջին չափսի ճոխ կամ գրեթե ճոխ ավտոմեքենաներ

o    Acura TL (2011թ. սեպտեմբերից հետո թողարկված)
o    Acura TSX (սեդան և սպորտային մոդելները)
o    Audi A4 (միայն սեդան մոդելը)
o    Lincoln MKZ
o    Mercedes C class
o    Volkswagen CC (բացի 4 դռնանի մոդելից)
o    Volvo S60

·          Մեծ ընտանեկան ավտոմեքենաներ

o    Buick LaCrosse
o    Buick Regal
o    Chrysler 300
o    Dodge Charger
o    Ford Taurus
o    Toyota Avalon

·          Մեծ ճոխ ավտոմեքենաներ

o     Audi A6
o    BMW 5 series (բացի 4 քաշող անիվով և V8 շարժիչով մոդելներից)
o    Cadillac CTS (միայն սեդան մոդելը)
o    Hyundai Equus
o    Hyundai Genesis
o    Infiniti M37/M56 (բացի M56x 4 քաշող անիվով մոդելից)
o    Lincoln MKS
o    Mercedes E class 2-door
o    Mercedes E class 4-door
o    Saab 9-5
o    Volvo S80

·          Փոքր SUV-ներ

o    Honda CR-V
o    Hyundai Tucson
o    Jeep Patriot (կողային լրացուցիչ բարձիկներով մոդելը)
o    Kia Sportage
o    Subaru Forester
o    Volkswagen Tiguan

·          Միջին չափսի SUV-ներ

o    Chevrolet Equinox
o    Dodge Durango
o    Dodge Journey
o    Ford Edge
o    Ford Explorer
o    Ford Flex
o    GMC Terrain
o    Honda Pilot
o    Hyundai Santa Fe
o    Jeep Grand Cherokee
o    Kia Sorento
o    Subaru Tribeca
o    Toyota Highlander
o    Toyota Venza

·          Միջին չափսի ճոխ SUV-ներ

o    Acura MDX
o    Audi Q5
o    BMW X3
o    Cadillac SRX
o    Infiniti EX35
o    Lexus RX
o    Lincoln MKT
o    Lincoln MKX
o    Mercedes GLK
o    Mercedes M class
o    Saab 9-4X
o    Volvo XC60
o    Volvo XC90

·          Մեծ SUV-ներ

o    Buick Enclave
o    Chevrolet Traverse
o    GMC Acadia
o    Volkswagen Touareg

·          Մինիմարդատարներ

o    Chrysler Town & Country
o    Dodge Grand Caravan
o    Honda Odyssey
o    Toyota Sienna
o    Volkswagen Routan

·          Մեծ պիկապներ

o    Ford F-150 (վարորդի առանձին խցիկով մոդելները)
o    Honda Ridgeline
o    Toyota Tundra (վարորդի առանձին խցիկով մոդելները)